الطريق الى المحاجر ( المزارع الغرقانه )
خط السير بتاعها الموقف الجديد البنجر والغراقات موجودة في ارض البنجر
وانا سوف احكي لكم حكاية الغراقات دي لاني بصطاد سمك منها من حوالي ١٨سنة كانت عبارة عن عين في الارض بيتجمع فيها الماء وكان حجم الغراقات صغير جدا وارجو الانتباه لما اقوله كانت عبارة عن جبال وتبب صغيرة ويمشي الماء بداخلها مثل الترع الصغيرة وكانت حولين المياة اراضي مملوكة للدولة يوجد بها طفلة الاسمنت وجبال رمل وجبال طمي الي بيصنعو منها فخار
وسوف ارسل صور للمكان للغراقات القديم وسوف ارسل صور للغراقات الصور حديثة وسوف تجدون الاختلاف وللعلم المحاجر او الكسارات او الغراقات الحمد لله بعرفها بالشبر معرفة دقيقة جدا لاني كنت بلف فيها بالمكروباص واصطاد فيها والاسفلت المقطوع من المية كنت بمشي علية وبعد فترة بدات الناس تاتي حول هذه المياه وبداو يعملو مزارع سمكية في المياة وكانت المية مش كبيرة كدة وعملو مزارع بلطي وبوري
وفي يوم فجاة انفجرت المياة من تحت الارض وبدات تزيد تزيد بسرعة رهيبة حتي ان الناس سابو المزارع خوف من الغرق ودخلت المياة علي المزارع وساحت الارض علي المزارع السمك واختلطت في المياه الخارجية وغرقت الارض وسميت الغراقات لهذا السبب وبعد فترة صغيرة بدات الناس تروح وتصطاد سمك من هناك وعرف المكان بالغراقات ونظرا لوجود جبال سن وطفلة الاسمنت السيارات النقل بتعدي من جنب المية ولذالك سميت كسارة لوجود مكن بيكسر الصخر ويحوله للسن الي بيبنو بية ويستخدم في الصبة فسميت الكسارات لوجود مكن بيكسر الصخور ويحولها سن وسميت بالمحاجر لوجود جبال بها حجارة المستخدمة الاستخراج السن للبناء وكدة يكون فصرنا المكان والاسم
.......احبائي واصدقائي لكم وصف المكان بالتفصيل والاجر والثواب علي الله
اولا
رقم واحد
حنطلع من اي مكان في الاسكندرية نمسك طريق العامرية الصحراوي وحنعدي علي كارتة الاسكندرية وبعد الكارتة مباشرة نمسك طريق الخدمات ونمشي الي قرية الاسد وبعد قرية الاسد مباشرة حنلاقي ظرافة وبعدها علي طول شارع نخش يمين والشارع ده اولو جامع علي الشمال
حناخد الشارع لاخرة ونلاقي اخر الشارع ترعة ناصر خش شمال بحيث يكون يمينك الترعة ونمشي حوالي 3 كيلو نلاقي كوبري اسمه كوبري ادم ونعدي من فوق الكوبري يمين ونعدي الكوبري حتلاقي طريق بجوار الترعة سيبو وحتلاقي طريق امامك نخش فية وناخد يمين
الطريق حيوديك علي فرع من ترعة ناصر اسمه فرع عشرين حتكون المية بتاعت الفرع المتبطن علي يمينك حتمشي وبعدها حتلاقي كوبري بجوارة غرفة للحارس علي الكوبري حتعدي الكوبري وتاخد يمينك بعد الكوبري وحتمشي علي شمالك اشجار ويمينك فرع طبطين ماء قناية مياه متبطنة وبعدها رافع مياة
حتمشي الي اخر الطريق الي اخر الطريق كمان مرة للتاكيد وحتلاقي اخر الطريق كوبري صغير حتعدية يمين وبعدها ترد شمال مباشرة وحتلاقي مدق تراب علي يمينك شجر خوخ وشمالك عنب وحتلاقي المدق يلف بيك شمال خليك معاه وبعدها حتلاقي كوبري تدخل يمين من فوق الكوبري كدة حتلاقي طريق اسفلت بيودي للمحاجر شمال وعلي طول حوالي 5 كيلو حتلاقي المية انزل واصطاد وادعيلي
بس بالله عليكو الي يروح علي الوصف يدعيلي عل المجهود في الكتابة للمنشور واخيرا توصلو بالسلامة
ارجو من الله ان اكون وفقت في الوصف التفصيلي للطريق
واخير اللهم وفقنا واجعل لنا اجر ولا تحرمنا صداقة خالصة لوجهك الكريم
بالنسبة للمحاجر والناس اللى بتشتغل على البورى.... يجب مراعاة الاتى اذا كنت جالس فى مرمى بورى
١-لو قاعد فى مرمى ومعاك كذا صياد اتفق مع زملائك ان واحد فقط هو من يرمى الزفر عكس اتجاه التيار .
٢-كثرة الزفر من كذا صياد بيشتت السمكه وما تخليهاش تدخل على الطعم.
٣-تجنب اى حركه فى المياه او صوت عالى لان البورى حساس جدا ولو حس بالزعر حايمسك غرق ولو حد واقف فى المياه بيخلى البورى يهرب .
٤-اذا علقت سمكه اوعى تريح البوصه خليك صالب عليها (ماسك العود بقوة وبدون حركه) وهى حاتخرج نفسها بس خليك حساس بمعنى انك ما ترفعش اوعى حاول تخلى السمكه هى اللى تتعب نفسها وانت صالب عليها واوعى تريح او اى حد يلمس الشعر .
٥-اشتغل بشعر فوق ٤٠ وترميل ٣٥ وسلاح ٦ او٥ اوسكار .وما تستهونش بالبورى بتاع المحاجر السمكه ماشاء الله بصيده .
الطعم عيش فينو يكون طازه وتقطع لقمه صغيره وتقشر الطبقه الحمرا اللى فوق فقط وتطبقها وتشكها فى السلاح وتضغط عليها .
ارجوا ان اكون اوضحت بعض امور واتمنى ان يستفيد اى صياد من الشغل على بورى المحاجر .
واتمنى من الله سعة الرزق لكل الاخوه الافاضل .
الموضوع منقول للافاده لكل الناس وعدم ضياع مجهود صاحب المقال
تابعونى على فيس بوك من هنـــــــــــــــــــــــــــــا
جروبنا على فيس بوك من هنـــــــــــــــــــــــــــــــــــــــــــــــــــــــــا
يمكنك متابعه ايضا
