صيد الكابوريا

 ديدان تستخدم لصيد الاسماك ومواعيد الصيد بيها

1/ دود ابو جراب

2/ دود مشرشر 

3/ دود اسمعلاوى

4/ دود رمله

5/ دود نار

لسلام عليكم ورحمه الله اعضاء الجروب الكرام
انهارده هنتكلم عن انواع الطعوم وطريقه الصيد بيها

1/ دود المشرشر

الدود دا يستخدم فى صيد القاروص والدنيس والشراغيش وغيرو من الاسماك ولا يصلح للصيد بالمكنه لان الدودايه دى ضعيفه جدا وهذه الدوده تظهر فى الشتاء فقط ولا تصلح للصيد بيها فى الصيف لا تستحمل سخونه المياه / وطريقه الصيد بيها بتجيب العيار او اكتر على حسب شغلك وبتجيب 5 او 6 دودات وبتشكها من رسها فى السلاح لان الراس اجمد مكان فى جسمها وبتسيب باقى الدوده نازله من السلاح طبعا اكتر من دوده ودا بيكون حى فى الميا ويستفز السمك علشان كدا السمك بيدخل عليه على طول ويفضل سلاح يكون بسلكه رفيعه علشان ميموتش الدوده.

هوا دود رفيع لصيد سمكه القاروص وتواجد هذا الدود فى رشيد والبرلص
دوده رشيد بتكون رفيع نوعا ما أما دود البرلص يمتاز بتخانه الدوده وقوتها ويكون أغلى طبعا من دود رشيد
طريقه الشغل بيه بيكون فى أوائل فصل الشتاء لانو عايز مياه بارده علشان طبعا سخونيه الميا بتبهدل الطعمايه وتهريها والشغل بيه طبعا بتجيب العيار وتفضيه فى جردل صغير أو علبه وتشك اكتر من دوده فى السلاح من رأسها اجمد مكان فى جسمها طبعا
ازاى تعيش الدود.

بتجيب مياه من البحر وتجيب مياه من الحنفيه بس قبلها حطها فى التلاجه علشان الكلور نسبته تقل ميموتش الدود المهم جيب ازازه مسلا 2 لتر هتحط ربعها مياه مالحه و3 أربع مياه عزبه خلى الميا العازبه اكتر طبعا.

وتجيب العيارات ومصفه تصفى العيارات الأول وإلى تصفيه تحطو فى نصيه المونيوم وتخلى 3 عيارات بس فى الصنيه وتجيب المياه إلى خلطناها وتحط فى الصنيه على وش الدود يدوبك تغطى الدود متكترش ميا.

وبعدين فى التلاجه من تحت على الارفف وكل ما تلاقى الميا لونها اتغير تعيد نفس الطريقه إلى عملناها وبكده هيعيش معاك فتره كويسه.

2/ الدود القراص

 موجود طول العام وهيا طعمايه ممتازه جدا للسمك ويمتاز بقوه الدوده واستحمالها للتشويح بالمكنه.

الدوده ممكن تدككها فى السلاح او ممكن تدكك نصها او على قد السلاح وتسيب الباقى نازل من السلاح فى قراص ميا وفى قراص خيش والاتنين واحد على فكره بس قراص الخيش بيكون العيار اقل شويه من الميا

3/ الاسمعلاوى

 معشوق الدنيس والشراغيش بردو طوال العام ويمتاز يقوه وبيكون لونه اصفر وعليه طبقه فسفوريه بتدى للحنش ضوء فى الميا بيخلى السمكه تدخل عليه على طول ويشتغل بالمكنه والبوصه اليد بس الافضل للمكنه طبعا على الدنيس والشراغيش
فى نوعين من الدود الاسمعلاوى.

نوع بنجيبو من الاسماعليه ودا الاصلى او النوع الكويس وفى نوع بيجى من ابو قير والطرح وبتاع الاسمعاليه دودايه بتيجى فى خيش وبتكون مسكه نفسها وصبغتها عاليه جدا.

اما النوع التانى بتاعنا الدودايه كويسه بردو بس معظم الدود تلاقى وانت بتطعم مصارين الدوده بتطلع بس شغال احسن من مفيش وغلو الاسمعلاوى التانى وبيجيب سمك بردو

4/ ابو جراب

 طعمايه ملهاش حل وتمتاز بقوه زفاره عاليه بيدخل عليها معظم انواع السمك وابو جراب دا اطلقو عليه الاسم دا علشان سبحان الله بيعمل لنفسو جراب من الطين فى المكان الى بيعيش فيه ويكون الطعم دا محتاج ماتور لو هتقعدو فتره مثلا.

5/ دود النار

 دوده شبيه جدا للقراص بس اطول واجمد نوعا ما وتمتاز بقوتها وملمسها الناعم لانها وانت بتطعما بتفرز ماده لزجه لما بتحس باى شيى قرب منها بس قويه جدا وزفره وطعمايه يتلاهم عليها الصيادين الايام دى.

6/ دود الوعر

 دود شبه المشرشر بس اكبر شويه وبتكون الدوده تحس ان عليها فرو بسيط ودوده كويسه بس للاسف ليها ايام السمكه تكون ماسكه عليها مش زى باقى الطعم مثلا والعيار بيكون فى كيس ميا بردو شبه القراص.

يارب اكون قدرت اوصل المعلومه بطريقه بسيطه وسهله لكل صياد مبتدأ

اى استفسار تحت امركم دائما 

ايهاب ابو مريم

يمكنكم ايضا متابعا موضوع خصائص الاسماك من هنـــــــــا

وايضا موضوع عن سمكه البطاطا من هنـــــــــا 

ايهاب ابو مريم    فيس بوك   تويتر   انستجرام 

تعديل المقال