منذ بضع اعوامكل ما تريد معرفته عن الكاستينج

 الشغل فى الطرح اليومين دول 

بسم الله الرحمن الرحيم

اولا وقبل البدء صلى على الحبيب المصطفى 

ادعمنا بمشاركه وتابع المدونه ليصلك كل جديد الموقع اول بأول

اليومين دول الشغل فى الطرح على البورى فى المياه السخنه دى نظرا لارتفاع درجه الحراره .

البورى بنشتغل عليه الايام دى وموجود بأحجام كويسه جدا انت بتنزل الفجر وتعمل اصطباحه فى البحر المفتوح او خلف الصلبان الى موجوده فى الصوره وبعد كده اول ما تلاقى الشمس شدت شويه هتدور على مكان بين الصلبان بس يكون غرق شويه وتنزل تتوكل على الله فيه 

طريقه الشغل 

الشغل الصبح فى البحر المفتوح بيكون معاك بوصه 7 متلا ولا تقل عن ذالك وطبعا ده علشان الوعر والصلبان بتكون كتير فى المياه بتزل بالبوصه شعر اساسى 25 وبتعمل الترميل 20 او اقل على حسب شغلك طبعا وبتشتغل بسلاح 8 كفته وجوز او ساقين مش واسيع قوى يعنى مش زى شغل القاروص والدنيس طبعا وتحط فله رفيعه الى اسمها غماز وشريط رصاص صغير .

بين الصلبان بقى بتعمل ايه بص يا سيدى لو معاك بوصه 3 متر يبقى تمام معكش قصر بوصتك او شيل منها عقل لحد متكون مناسبه للمكان وتوكل على الله 

الطعم بقى 

بص عندك نوعين طعم شغال عليهم البورى هناك 

اولا 

الدود المشرشر ودا طعمايه انا شارحها قبل كده وهسيبلك الرابط بتاع الموضوع اسفل الموضوع وتطعيمها بيكون للبورى هتدكك طعمايه وتسيب باقيتها مدلدل من السن وتشتغل بيه 

ودا موضوع الدود المشرشر دوس هنــــــــــــــــــــا

الطعمايه التانيه 

العجينه وطبعا الطريقه بتاعه عملها هى كوبين دقيق مع كوب مياه وتضربهم فى بعض حتى يكونو كلهم نفس المنسوب او تكون طريه خالص وبعدين بتجيب طاسه وتحطها على النار وتوطى النار ولما الطاسه تسخن بتنزل العجينه السايبه دى وتفضل تقلب لحد ما تبقى معاك زى المستيكه 

ليه بقى علشان متسحش منك وهيا فى الميا طبعا ولو فى اى استفسار كلمنى وانا تحت امركم 

اخوكم ايهاب ابو مريم وعلى فكره انا بطلع لو حد حابب يطلع معايا يكلمنى او يسبلى تعليق 

تابع ايضا 

صفحتى الشخصيه على فيس بوك  هنـــــــــــــــــــا

طريقه الوصول للطرح من هنــــــــــــــــــــــــا

تابع الجروب على فيس بوك من هنـــــــــــــــــــــــــــــــــــا

وكمان هنــــــــــــــــــــــــــــــــــا

تعديل المقال