طريقة تحضير الغلة للصيد
لها طرق عديده ومتنوعه وكل صياد وله طريقه
دي طريقه سهله ومبسطه للجميع للتعرف علي طريقه تجهيز الغله
ناس بتضيف خميره الخبز وناس بتحط انواع كتيره من مكسبات الرائحه
الغله الموجوده فى مصر عموما هى ثلاثة أنواع روسي و أمريكي و بلدي وجميعهم يمكن استخدامه فى الصيد لكن الاختلاف فى وقت التحضير لصيد السمك فيزيد أو يقل وقت التحضير
أفضل غله يمكن استخدامها فى الصيد بالغله هى غلة القمح البلدي ذو الحبه الكبيره و طبعا الغله تكون كامله بقشرها وكمان
يتم شطف حبوب الغله تحت الماء الجاري ثم تصفي من الماء وهنا يوجد اختيار من اثنين
أولا :
لديك وقت
يكون من خلال نقع الغله لفترة تتراوح من ٢٠ ساعة و٣٠ ساعة ع حسب نوع الغله ويتم جسها بعد اليوم الثالث على فترات ثم يتم تصفيتها من الماء عندما تنضج ( تصير لينه ) وهى الطريقه الافضل
ثانيا :
ليس لديك وقت
توضع في الماء علي نار خفيفه حتي يغلي ولفتره تتراوح من 15 الى 20 دقيقه وهذا إذا إستطعت نقعها قبلها بليله أما إذا لم يكن ف تترك على نار خفيفة لمدة 40 دقيقة حتي تنضج ثم ترفع من الماء و تصفي
تجهيز الدور ((( عمل مرايه )))
طب هنظفر بإيه ؟؟
يكون هذا بإستخدام ما يسمي بالعلفه وهى مكونه من
ردة خشنه ، 1/8غله منقوعة او مسلوقه ، بعض العلف البلدى ، دشيشة ناعمة ، زبل فراخ
تخلط المكونات جيدا ويستحسن قبل الطلعه بيومين وتترك لتخمر فى الشمس
انت الان على الدور
بنبدأ بعمل مرايا
طب إزاى
شوف بنعمل من 3 الى 6 مرايات و بنتحرك بينهم على مدار الواقت و المرايه اللى بتشتغل معاك بتفضل عليها لحد م السمكه تبطل تاكل
المرايا هى اهم مافى الشغل كله ... طب بتتعمل ازاى ؟؟
بتختار مكان ميته هاديه و يفضل لو فى شكل دائري متكونش المياه فيه سريعه و بنحضره
التحضير بيكون بفرد مقدار كف اليد من العلفة على طرف اليابسه بحيث تكون العلفة أغلبها على اليابسه ( نطلق عليها رأس الدور ) و الباقي فى المياه حتى يجذب الأسماك برائحته و وجوده في الماء كغذاء للاسماك
يترك الدور لمدة لا تقل عن نصف ساعة ثم تعود له ويجب الحرص كل الحرص ان تكون بعيدا عن راس الدور وعلى قد ما تقدر تختفى لان سمكة الغله حساسه جدا
يراعى فى اختيار المكان قبل القاء المرايا ان يكون الدور اجوف او بيضاوى الشكل او ربع دائرى
الاسماك التى تاكل الغله:
البلطى اساسى ، البلاشون ، المبروكة ، الشبار
طريقة التطعيم
يطعم حبه واحدة على راس السلاح من مؤخرة حبة الغله
وبعض الناس يطعمون اكثر من حبه والبعض الاخر يطعم السن باكمله
فى كل الحالات صحيصة
طريقة الرد والضرب عند الغمز
بالنسبة لشغل الغمز فى صيد الغلة هما حالتين فقط سحبه او غمزة واحدة فقط يا اما ليك يا اما راحت
الرد والضرب يكون عمودى لاعلى حتى تشكم السن فى المكان الصحيح من فم السمكة
طريقة الغمز هى اول ما يغطس الغماز بمسافة 10 سم يجب ان تكون يقظ لهذه اللحظة كما قولت ويجب ان ترد عليه
اما فى السحبه فتاكد انها سمكة لا تعوض ووزنها قد يتعدى المقاس المعتاد ويرد عليها فورا وعموديا
الأدوات المستخدمة لصيد الغلة
بوصه أو ممكن إثنان ، فله رفيعه جدا ، خيط ماكينة 30 ، ترميل 25 ، سنار مقاس 0.1 او 1 او2 او 3 ، رصاص حمصه
نصيحه أخيره يفضل فى صيد الماء العذب و خصوصا الغله أن تكون ألوان الملابس غوامق
نعمل وش مجوز بشعر 30 بفاصل 5 سم بين السنين
طول الوش قصير عشان تحس باول نقرة يعني تحت التقل بـ 20 سم
السلاح 6 او 7 بسلاح حامي والافضل يكون دقنه واطى و مفتوح نسبيا
ضع حبة غلة واحدة علي السن الامامي بحيث لاتظهر مقدمة السن الحادة عند الصيد عن طريق شك القمحة فى السن من ناحية مكان الانبات فى الحبة لانة اقوى مكان فى القمحة
و الغماز (حرامي) أصغر غماز تلاقيه و الرصاص ورق "قشر" موزون
ترمى قدام وبعد كده تسحب الغماز براحة لعندك عشان السنار يرسى على الارض ومايعومش يعنى نرقد السنون على الأرض ومن اول سحبة تلطش على طول أشكم شكمة جامدة و بسرعة يعنى ما تستناش لان كدة يبأي السن في فم السمكة
حاول ترجع للخلف قدر الامكان بحيث لا تظهر لا انت ولا خيالك للسمكة لان اصلا السمك لو شايفك مش هياكل وطول الخيط من فوق الغماز وارمي من بعيد عنها يدوبك تكون شايف الغماز و تسرح لها بالغله وخليك منتبه لاي حركة من الغماز كما يفضل ان ترتدي ملابس الوانها بدرجات الاخضر الغامق او الزيتي وهي الوان لا تلفت انتباه السمك وحاول ان تكون حركة العود قليلة قدر الامكان مع التزام الهدوء وعدم الحركة او الصخب
منقول للافاده
طريقه عمل عجينه البورى من هنـــــــــــــــــــــــــــــــــــــــــــــا
صفحتى الشخصيه من هنـــــــــــــــــــــــــــــــــــــــــــــــــا
جروب فيس بوك من هنــــــــــــــــــــــــــا
