الصيد بالجاندوفلى و ام الخلول والجلاجوله
الصيد بالقواقع البحريه يعتبر من ارخص انواع طعوم الصيد واشدها فى صيد الاسماك .
علشان بتكون القواقع دى بدم وبالتالى لما بتطعم القواقع دى الدم بيزفر المكان فالسمك بيشم ريحه زفاره الدم وبيجى المكان على طول .
بتجيب يا سيدى القواقع دى الى هيا الجندوفلى البلدى او الجلاجوله او ام الخلول من اى سوق سمك جمبك وبعدين بنجيب شويه نملحهم وطبعا انا هقولكم اواى تملحو علشان ميبوزش منك هتجيب مثلا نص او ربع الكميه الى معاك وهتبدأ تفتحها بأله حاده صغيره سكين مثلا او مفك صغير وبتجيب ورقه جرايد وبتطلع لحم الجندوفى ده وبتحطه على ورقه الجرايد دى وبعدين بعد ما تخلص كميتك الى هتطلع بيها بتسبها الاول تتصفى من الميا والدم الى فيها وبعدين بتنقلها على ورقه تانيه .
وبعد كده يا سيدى بتجيب رشه ملح صغيره ومتكترش علشان لو زودت ملح هتلاقى لحم الجندوفى عضض معاك وبقى ناشف وفقد كل مميزاته طبعا خلى الملح شويه صغيره يدوب بس يصفى منها حجات بسيطه وتكون ماسكه نفسها .
هتجيب برطمان صغير او خيشه وهتعبيهم وبعد ما تعبيهم هترش رشه ملح صغيره فوق الوش وتقفل عليهم وانت طالع تخدهم معاك .
ازاى تطعم بيه ؟
يفضل فى السلاح الى هتشتغل بيه يكون سلاح كبير يعنى مثلا سلاح رقم 4 او 3 او 2 وعلى حسب راحت انت ممكن تشتغل بسلاح لطش مثلا او كرش وفى ناس بتحب تشتغل بسلاح كفته طبعا انت وراحتك طبعا للعده .
لو هتشتغل بالمكنه يبقى افضلك سلاح واحد لو مكان وعر لو رمله يبقى جوز متوسط او واسع على حسب الارض الى انت رامى عليها .
الاسماك الى بتدخل على الطعمايه دى.
هتلاقى يا سيدى معظم الاسماك بتحبها يعنى قاروص ولوت وشراغيش وحلابيش وغيرها من الاسماك .
يارب اكون قدرت ابسط المعلومه علشان توصل سهله لكل مبتدأ اى استفسار سبلى تعليق وانا تحت امر اى حد .
ايهاب ابو مريم
