منذ بضع اعوامكل ما تريد معرفته عن الكاستينج

احسن اوقات صيد المياس

من قبل طلوع الفجر الى مابعد الشروق بساعتين ومن العصر الى المغرب .
الطعوم المستخدمة :

١- المغازل (الكنايا الصغيره) وهي من احب الطعوم لهذه الاسماك .
٢- البساريا والسردين .
٣-جميع الاسماك التي تتوجد حول الاماكن الصخريه : الدنيس ،الشراغيش،الموزه،المرمار .
٤- السبيط والكلماري
أجمل طرق صيد المياس:
صيد المياس بطريقة الكاستنج 
النهاردة هنتكلم علي شغل المياس بطريقة الكاستنج

الأدوات والمعدات المطلوبه .......

رابلا لصيد المياس 
1/بوصة قوية خفيفة يستحسن كربون ومكنة حجم وسط قوية واملاها شعر 45 او بريدد 30 ليبرا
واهوي البكرة بتاعة المكنة شوية.
2/المكان المناسب للكاستنج عالمياس يكون علي حروف الوعر او علي اطراف الجزر وياريت في مكان يكون رغوة الموج فيه بيضا وكتير وتشوف مكان تقف فيه يكون امان.
3/بعد كدة تبدأ تستعمل اي نوع رابلا من اللي في الصورة ولو حانستعمل رابلا فوق ال10سم يعني

يبدأ وزنها مثلا من 28 جرام وحتي 60جرام يبقي حانربط الرابلا في الشعر علي طول.
4/ولو حاستعمل رابلا صغيرة اصغر من 10 سم واقل من 28جرام او معلقة صغيرة يبقي حانحط
رصاصة بلحة صغيرة 20 جرام مثلا ونسندها بمدوار ونربط شعراية بطول متر وفيها الرابلا في
المدوار وتكون نفس الشعر اللي عالمكنة يعني 45 برضو.
5/ونبدأ نرمي في الرغوة ونلم بس مش بسرعة جامدة ﻻ مابين البينين ﻻ سريع وﻻ بطئ

عندنا نوع تانى من صيد المياس وهوا الترقيد

الترقيد دا بقى محتاج بوصه قويه جدا بفضل كلورادو او بورتلكس مقاس 4.5 او 5 متر تكون عاصيه جدا وبتكون معاك مكنه قويه جدا  
الشغل بقى للترقيد ازاى بص يا سيدى بنجيب سمكه بورى او زنجاريا او شرغوش وبنشق السمكه من النص من عند شوكه الضهر بالطول وبنشيل شوكتها وبنجيب واير وبنلحم فيه 3 سنون او 2 رقم 0_1 او 0_2  وبتقلب السمكه بعد ما خليتها مش شوكتها تمام وبعد كده وانت بتقلبها يكون الواير والسلاحات داخل السمكه وبتجيب غزل حرير او نايلون بتخيط بيه السمكه وبيكون اسم الشغلانه دى شريحه وبعد كده هتربط الشريحه دى فى المكنه بتاعتك ويفضل يكون انك جايب بريد ورصاصه معقوله ومدور محمل وبتركب شريحتك تمام وتتوكل على الله وترمى بس النوع ده من الصيد محتاج صبر صبر صبر بس خبطه السمكه فيه ماشاء الله من 2 كيلو وطالع وانت راكن بوصتك بعد ما رميت حاول تفتح الزنان شويه علشان لما السمكه تضرب متفوتش المكنه منك وان شاء الله ربنا هيكرمك 

الصيد بالغزل

و يتم الصيد فى عرض البحر من القارب ويكون باستخدام غزل السنار والذي يتكون من شعر مقاس 100 او 120 وبطول يصل حتى 250 متر ثم يتم ربط سناره كبيره بالواير بتاعها كل 2 او 3 أمتار وبين كل سنارة والثانية رصاصة ( ثقيل ) ويطعم في كل صنارة سردينة كاملة او نص سردينة ويفرد الشعر في الماء و يترك من الليل الى الصباح .
ملحوظه : هذه الطريقه كانت منتشرة جدا فى الاسكندريه حيث تخرج بلنصات الصيد بشكل شبه يومي لصيد المياس ليلا فتظهر هذه القوارب من الشاطيء كأنها نجوم فى السماء
2- باستخدام البوصة بالماكينة
باستخدام شعر اساسي رقم 40 او 50 وبوصة الصيد تكون من نوع ممتاز بالصلابة و يتم استخدام سنار رقم 1 او 2 نثبته فى الشعر الاساسي بقطع واير صغيره "سلك معدنى"   مخصص لصيد الاسماك ذات الاسنان القوية لأن سمك المياس أسنانه حاده جدا  مع رصاص متوسط الوزن .
الطعم المستخدم :
و يتم صيدها بواسطة الطعوم الحية و الصناعية لكن الاكثر استخداما الاسماك الصغيرة و يفضل السردين – المرمار–الموزه


شكرا وان شاء الله انتظرو مواضيع اخرى 

ايهاب ابو مريم 

تعديل المقال