سلسله صيد العزب البلطى
بسم الله الرحمن الرحيم
نبدا سلسله صيد العزب البلطى
نبدأ بمدينه ادكو
ويوجد اكتر من مكان هنقولهم بالتفصيل الممل جدا
رقم ( 1 )
الطريق الدولى هتمسك الدولى من 45 وحتى مدخل مدينه ادكو هتعديه وتفضل مكمل لحد ما تلاقى كوبرى البتروجيت وشركات الغاز انت مش هتطلع الكوبرى انت هتنزل من تحت الكوبر وتلف شمال وتمشى طوالى لحد ما تشوف ميناء ادكو فى وشك هتدخل يمين وهتخلى المينا على شمالك وتطول هتلاقى بوابه عديها وكمل وهتلاقى بعدها بحوالى 3 كيلو اوو اقل بوابه تانيه عديها هتلاقى شركه رشيد للغاز طول وهتلاقى ميات كتير مصارف وترع هناك اتوكل على الله وانزل الطعم هناك برغوت
ملحوظه
المكان ده لازم عربيه مينفعش موصلات خالص والصيد هناك بوصه اكتر حاجه 5 متر يا رجاله
المكان رقم ( 2 )
هتركب عربيه من مزلقان المعموره البلد وهتنزل مدينه ادكو وبعدين هتطول شويه لحد المزلقان وتعدى المزلقان يمين وتركب عربيه تدخلك مع الطريق والموصلات سهله جدا هتلاقى ميات كتير مصارف وترع وصرف مزارع هناك واماكن كتير وممكن تطول شويه هتلاقى القرى هتنزل وتتوكل على الله
الطعم برغوت ودود ارض وغله بس دود الارض ماشى هناك لان معظم الاراضى طينيه فدود الارض مرعى السمك هناك
ممكن بقى تشتغل على البياض فى الترعه الكبيره العموميه ببوصه ومكنه وتسهر على الترعه دى وهيدخل عليك بلطى كبير ويدخل معاك قراميط بالمصران
اى خدمه ان تحت امركم وانتظرو باقى السلسه واماكن جديده
اخوكم ايهاب ابومريم
